1. 新娘生來像枝花,今日來到富貴家。
明年必定生貴子,富貴長壽享榮華。
2. 新娘生來有算高,身高影大壽年多。
子孫滿院多富貴,出有十子九登科。
3. 新娘生來真端莊,吉日良時入洞房。
明年必定生貴子,個個子孫出賢良。
4. 新娘生來鯽魚嘴,文武合起樣樣會。
明年必定生貴子,雙生貴子傳後代。
5. 新娘生來笑連連,夫妻一對好姻緣。
早生貴子名聲好,財丁兩旺萬萬年。
6. 新娘生來嘴闊闊,眉清眼秀得人惜。
入門必定買田地,財丁兩旺就好額。
7. 新娘生來好笑容,良時吉日來合婚。
雙生貴子多富貴,日後百子傳千孫。
8. 新娘生來耳駝駝,實在就係萬富婆。
明年必定生貴子,胎胎雙生掛秤砣。
9. 新娘生來面圓圓,吉日良時結姻緣。
夫妻恩愛從孝順,榮華富貴萬萬年。
10. 新娘生來大目珠,人講十大九不輸。
日間能看千里遠,夜間讀書蔭丈夫。
11. 新娘生來好身裝,出有子孫做大官。
恭祝新娘生貴子,文武官職兩雙全。
12. 新娘生來面兜兜,紅羅帳內好做嬌。
洞房花燭生貴子,代代子孫做參謀。
13. 新娘生來一枝花,必定身上有色麻。
色麻又來生色子,色子色孫滿廳下。
14. 新娘生來面圓圓,長命富貴子孫賢。
明年必定生貴子,四粒客卵兩條鞭。
15. 新娘生來好笑容,眉清目秀惜老公。
孝順家官並家娘,世界第一好家風。
16. 新娘來到富家門,朋友六親增光榮。
夫唱婦隨從孝順,家門昌盛永興隆。
17. 新娘額頭真飽滿,做家勤儉八字靚。
賺錢買田生貴子,榮華富貴好名聲。
18. 新娘來到富貴家,黃雲蓋頂紫雲遮。
夫妻生來有福份,必定買田又買馬。
19. 新娘頭大面四方,畜豬必定不用糠。
擺擺大豬出千金,年年買田年年長。
20. 新娘生得靚又明,夫妻恩愛長久情。
合家老幼順得到,用籮量米斗量金。
留言列表